*दासनवमी उत्सव*
उद्यापासून तो सोहळा चालू होईल..!नऊ दिवसाचा तो आनंदोत्सव..!यावर्षी आठ दिवसच चालणार..!एका तिथीचा क्षय..!
रामाचा उत्सव..रामदासांचा उत्सव..!
गुरुप्रतिपदेचा हा आरंभ..!समर्थानी नवविधाभक्ती संगीतलीये..!रोज एक एक भक्तीचा अनुभव घेत नवमी ला राममय व्हायचं..!
उर्ध्वार्जन होऊन रामपंचायतन तेजाने झळाळून उठलय.मुख्य मंदिरात किनाती चढल्यात.शिखरावरची रोषणाई वरच्या निरभ्र आकाशाला आकाशगंगेच स्वरूप देतीये..!जागोजागी सुरेखीत,सुनियोजित भगवे,पिवळे मंडप वसलेत..!श्रीधरकुटी ही गुरूच्या या उत्सवात तल्लीन होऊन एकाग्र होऊ पहातीये..!
पेठेतला मारुतीने काहीकाळ ध्यान सोडलंय..!अशोकवनातले दत्तमहाराजानी त्रिमुखाने गुरुतत्वाचा जयजयकार चालू केलाय..!
वृंदावनातल्या अक्काबाई,वेण्णाबाईनी भक्तीच्या फुलवाती फुलवायला घेतल्यात..!
मानकऱ्यांनी मशाली साफ केल्यात,चवऱ्या तयार आहेत..दिमडी, तुतारी श्वास रोखून व्यक्त व्हायला तयार आहेत..!
या सगळ्या लव कुशा नो या..!अकरा मारुतीच्या तत्वानो वायूवेगाने या..!
बलशाली हिंदू अधिष्ठित संयमीत शक्तींनो या शाक्तपूजकाच्या उत्सवाला या..!
सारे जण या..!कोणी कष्ट घेऊन या..!कोणी सूर घेऊन या..!कोणी भक्ती घेऊन या..!कोणी विरक्ती घेऊन या..!कोणी निशब्द होऊन या..!कोणी सशब्द होऊन या..!
सारे या..!आपण त्या बहुआयामी संताच्या पायी लिन होऊ या..!शरण जाऊ या..!
आणि मागूया ती पावनभिक्षा..!
जी आयुष्यातली यतार्थता,कृतार्थता देईल..!!
या वाट पाहतोय..!
तुमचा आमचा सज्जनगड..!!🙏🙏
प्रवीण कुलकर्णी🙏
No comments:
Post a Comment