समर्थांची करुणाष्टके(४), कडवे तिसरे...

समर्थांची करुणाष्टके(४)

कडवे तिसरे...

समर्थ म्हणतात...

मनी वासना भक्ति तुझी करावी...
कृपाळूपणे राघवे पुरवावी..
वसावे मज अंतरी नाम घेता..
रघूनायका मागणे हेचि आता...!

रामराया...मला माहिती आहे की इच्छेच आग्रही रूप म्हणजे वासना..! वासनेन मन व्यापल की दुसरं काहीच सुचत नाही..!पण माझ्या मनात दाटलेल्या या भक्तीरुपी वासनेच ध्येय ही तुझ्या चरणाशी एकरूपता,तुझं सख्यत्व एवढीच आहे.

रामराया..मला माहिती आहे तू इतका कोमलमनाचा,दयाळू आहेस की माझा हा तुझ्या भक्तीसख्यत्वा चा हट्ट तू प्रेमाने,मायेने पुरा करशीलच...!

रामराया...तू तुझ्या सांप्रत कीर्ती प्रमाणे मनःपूर्वक नाम घेतल्यावर सत्वर आणि विनाविलंब पावतोस..तसा माझ्या नामस्मरणाने प्रसन्न होऊन माझ्यात वसलेल्या आत्मारामाशी माझी भेट घडवून कृपा करशीलच..!

रामराया.. तुझ्याकडे आता हेच मागणे आहे रे..माझ्या या नामपूजेने,मानसपूजेने,सकृत पूजेने प्रसन्न होऊन मला तुझ्याशी एकरूप होऊ दे..!

समर्थ रामरायाला आता भक्तवत्सल अधिकारवाणी ने प्रेमळ साद घालतायत.. आग्रह करतायत..!स्वतःच्या उपासनेशी आपण दृढ असू तर समर्थासारखा योगी अशी आग्रही उपासना करू शकतो ..हो ना.?

श्रीराम..!

©प्रवीण कुलकर्णी
९८२२६३५९०२