समर्थांचे साहित्यविश्व (अपरिचित करुणास्रोत्रे)

*समर्थांचे साहित्यविश्व*

*अपरिचित करुणास्रोत्रे*

🌺

*ऋषी तापसी योगरासी विळासी..|*

*मनी चिंतिती राम लावण्यरासी..|*

*असंभाव्य त्या कीर्तिच्या किर्तीढाला..|*

*प्रभू देखिला दास संतुष्ट जाला..||*

🌺

समर्थ रामदास म्हणतात..

नामात,भक्तीत तल्लीन झालेले भक्त,तपश्चर्येत लिप्त झालेले तापसी,अनेक सत्पुरुष घडवणारे ऋषीजन,हटनिग्रही साधुजन.. आणि त्याबरोबरच संसारात राहिलेले सांसारिक...!

समर्थ रामदास म्हणतात..

हे सारे येनकेन प्रकारे भक्ती,उपासना करून पुण्यसंचय करत आहेत.रामरायांची सगुण आणि मानसपूजा करत आहेत.

समर्थ रामदास म्हणतात..

या साऱ्यातून अपरिमित अशी कीर्ती पावलेल्या किर्तीनरेशाला,रामरायाला  पाहून,त्याच मनभावन अस दर्शन घेतलं आहे.

समर्थ रामदास म्हणतात..

अशा रामप्रभूंना पाहून मन,शरीर,आयुष्य सारे पुलकित झालं आहे.आणि या उत्तम योगाने मी आनंदाची परिसीमा अनुभवतो आहे.

समर्थ त्यांच्यासाहित सगळ्यांच्या चिंतनात,मननात,स्मरणात असलेल्या रामाच्या प्रत्यक्ष दर्शनाने अतिशय आनंद पावलेले आहेत.आणि वरील पाच ओव्यात ते ही भावना व्यक्त करत आहेत.

श्रीराम..!

©प्रवीण कुलकर्णी

९८२२६३५९०२