समर्थांचे साहित्यविश्व (अपरिचित करुणास्रोत्रे)

*समर्थांचे साहित्यविश्व*

*अपरिचित करुणास्रोत्रे*

🌺

*देवे दयाळे करुणा करावी.|*

*भक्ताभिमाने भरणी भरावी..|*

*हे रामनामी तरणी तरावी..|*

*दासा समस्ता वरणी वरावी..||*

🌺

समर्थ रामदास म्हणतात..

देवाधिदेवा..तू दयाळू आहेस.तू कनवाळू आहेस.तू तुझ्या या ब्रिदाला जागून माझ्यावर दया कर.तुझी करुणापूर्ण नजर माझ्याकडे वळवून मला कृपांकीत कर.

समर्थ रामदास म्हणतात..

देवराया..माझं मन हे भक्तीने भरून दे.त्याची क्षणाक्षणाने वृद्धी कर.इतकी की भक्तीशिवाय,तुझ्या उपासनेच्या वृत्ती शिवाय कशालाही या मनात जागा ठेवू नकोस.इतकं मन भारून जाऊ दे.

समर्थ रामदास म्हणतात..

देवराया,रामराया मला अशी बुद्धि दे की तुझं नाम हे अशी नाव होईल जी हा भवसागर सहज पार करून मला पैलतीरावर,तुझ्याकडे घेऊन येईल.इतकं नामाच अधिष्ठान दृढ होऊ दे.

समर्थ रामदास म्हणतात..

देवराया..माझी दास्यभक्ती अजून दृढ करून घे.माझ्या भक्तबुद्धीने तुझ्या पूजनाचा योग मला वारंवार प्राप्त होऊ दे.आणि सर्वांग,सगुण,निर्गुण पूजनाचा संकल्प माझ्याकडून सदा होऊ देत.

समर्थ देवाकडे,रामाकडे अपेक्षा करतात की तुझी भक्ती,तुझं पूजन ही मूलतः सवय होऊ दे.तीच माझी दिनचर्या होऊ दे.

श्रीराम..!

©प्रवीण कुलकर्णी

९८२२६३५९०२